Алматы қаласы әкімінің орынбасары Нұрлан Әбдірахым және Қоғамдық денсаулық сақтау басқармасының басшысы Марат Пашимов жөндеу-құрылыс жұмыстары жүргізіліп жатқан медициналық ұйымдарға тексеру жүргізді, сондай-ақ қалалық ауруханалар жұмысында енгізіліп жатқан инновация және жаңа тәсілдермен танысты.
Сапар барысында жұмыс тобының өкілдері №7 қалалық клиникалық аурухананың негізгі ғимаратын қайта жаңартудың ағымдағы кезеңімен, сондай-ақ аурухана жанындағы емхананы күрделі жөндеу барысымен танысты. Мердігер ұйымдармен кездесу барысында жұмыстың уақтылы аяқталуын және емхананың жедел пайдалануға берілуін қамтамасыз ету үшін құрылыс қарқынын жеделдету тапсырылды. Тексеруге қатысушылар дайындалған үй-жайды қарап шығып, медициналық жабдық пен қажетті материалды сатып алу үдерісімен танысты. №7 ҚКА жаңғырту жұмысы пациенттер мен персонал үшін қолайлы жағдай жасауға, Алматы тұрғындарына медициналық көмектің сапасы мен қолжетімдігін арттыруға бағытталған.
№2 балалар қалалық клиникалық ауруханасында 1963 жылы салынған екі ескі ғимараттың алдағы уақытта қиратылуы және 67 төсек-орындық қабылдау бөлімі, реанимация және екі клиникалық бөлімше орналасқан жаңа заманауи ғимараттың құрылысы туралы айтылды. Жобаны іске асыру Алматының және еліміздің басқа өңірлерінің кішкентай пациенттері үшін медициналық көмектің сапасы мен қолжетімдігін айтарлықтай арттыруға мүмкіндік береді.
Алматы №2 қалалық балалар клиникалық ауруханасы туғаннан бастап 17 жас 11 ай 29 күнге дейінгі балаларға хирургиялық және соматикалық бейіндер бойынша шұғыл және жоспарлы медициналық көмек көрсетеді. Жоспарлы емдеуге жатқызу бюро порталы арқылы жүзеге асырылады, пациенттер Қазақстанның барлық өңірінен келіп түседі. Жыл сайын ауруханада 90 мыңға жуық бала мамандандырылған көмек алады.
Ұйым құрылымында Алматы үшін бірегей гематология, эндокринология, кардиология, пульмонология, дерматология және клиникалық фармакология бөлімшелері жұмыс істейді. 2024 жылғы 1 қазанда ашылған клиникалық фармакология бөлімшесі бейінді бөлімшелер үшін дәрілік заттарды орталықтандырылған бөлуді қамтамасыз етеді. Бұл тәсіл тағайындауды жекелендіруге, қосарланған бақылауды жүзеге асыруға және дәрі-дәрмекті ұтымды пайдалануға мүмкіндік береді.
Жыл сайын ауруханада әр түрлі ауруы бар балаларға 9 мыңнан астам ота жасалады, 2025 жылдың тоғыз айында – 2662 ота жасалды. Клиникалық практикаға бұрын Алматыда қолданылмаған 20-дан астам инновациялық емдеу әдісі енгізілді. 2024-2025 жылдары аурухана базасында халықаралық сарапшылардың қатысуымен 7 ғылыми-практикалық конференция және 15 мастер-класс өткізілді.
Сондай-ақ Алматы тұрғындарына шұғыл пульмонологиялық және аллергологиялық көмек, сондай-ақ екінші және үшінші кезеңдердің жоспарлы неврологиялық, хирургиялық және оңалту көмегін көрсететін көпбейінді стационар болып табылатын №1 қалалық клиникалық ауруханаға барды.
1983 жылы құрылған аурухана 550 төсек-орынға арналған.
Бүгінде бес бөлім өрескел әрлеу сатысында, бір павильон күрделі жөндеуді қажет етеді.
2024 жылы №1 ҚКА Алматы қаласы Денсаулық сақтау объектілерін қайта жаңарту және күрделі жөндеу жөніндегі Жол картасына енгізілген.
Сапар барысында қалалық әкімдік пен Қоғамдық денсаулық сақтау басқармасының өкілі Алматы Балалар қалалық клиникалық инфекциялық ауруханасы Модулі филиалының жұмысымен танысты, онда инфекциялық ауруы бар балаларға шұғыл және жоспарлы көмек көрсетіледі.
Стационардың қуаты 300 төсек-орынды құрайды, оның 30-ы реанимациялық төсек-орын.
Өткізілген сапар қаланың медициналық ұйымдарын жаңғырту барысын бағалауға және инновациялық технологияны реконструкциялауға, жарақтандыруға және енгізуге байланысты негізгі мәселелерді талқылауға мүмкіндік берді.
Алматы денсаулық сақтау ұйымдарын жаңарту бойынша жұмыс жоспарлы түрде жалғасып келеді және қала тұрғындары үшін заманауи, қолжетімді әрі тиімді медициналық көмек жүйесін құруға бағытталған.
АЛМАТЫ МЕДИЦИНАНЫ ЖАҢҒЫРТУДА: АУРУХАНАЛАРДЫ ҚАЙТА ҚҰРУ ЖӘНЕ БАЛАЛАР КЛИНИКАЛАРЫНДА ИННОВАЦИЯЛАРДЫ ЕҢГІЗУ